Жастар орталығы үздіктер қатарында

Ақтөбе облыстық Жастар ресурстық орталығының ұйымдастыруымен  «Облыстық жастар сыйлығы – 2024» байқауының марапаттау кеші өтті.

Облыс көлемінде мемлекеттік жастар саясатының дамуына, елдің саяси және қоғам өміріне белсене араласып, зор үлес қосқан жас азаматтарды, әр сала бойынша өз ісінің шеберлерін марапаттау мақсатында өткен басқосуда Ақтөбе облысының жастар саясаты мәселелері басқармасының басшысы Мирхан Ермағанбетов облыстағы жастар ресурстық орталықтарының атқарған жұмыстарына тоқталып, жыл үздіктерін марапаттады.

Байғанин аудандық Жастар ресурстық орталығы – «Жыл үздігі» деп танылды. «Жыл серпіні» номинациясын — Ойыл аудандық Жастар ресурстық орталығы; «Үздік креативті орталық» номинациясын — Темір аудандық Жастар ресурстық орталығы иеленді. «Үздік перспективті орталық» номинациясына — Ырғыз аудандық Жастар ресурстық орталығы және Қобда аудандық Жастар ресурстық орталығы лайық деп танылды.

Сонымен қатар, 2024 жылы жасаған игілікті жұмыстары мен өңірдегі жастар саясатының дамуына қосқан елеулі үлестері үшін Ақтөбе қаласының Жастар ресурстық орталығының ұжымы Алғыс хатпен марапатталды.

Жеңімпаздар арнайы алғыс хаттарға, гүл шоқтарына және статуэткаларға ие болды.

Шараға «Ақтөбе жастары» тұрғын үй бағдарламасының жеңімпаздары, жыл үздіктері және белсенді жастар қатысты.