Өңірде «Зорлық-зомбылыққа қарсы 16 күн белсенділік» акциясы басталады
25 қараша-10 желтоқсан аралығында Ақтөбе облысында “Зорлық-зомбылыққа қарсы 16 күн белсенділік” акциясы өтеді. Іс-шараның маңызды бөлігі — зорлық-зомбылық құрбандарына көмектесу және тұрмыстық зорлық-зомбылықтың алдын алу. Сонымен қатар, халықты зорлық-зомбылыққа қарсы күреске бағытталған шаралар туралы хабардар ету, отбасылық-тұрмыстық қатынастар саласындағы заңнамадағы өзгерістерді түсіндіру.
🖇️Акция аясында полиция қызметкерлері мүдделі органдармен және қоғамдық ұйымдармен бірлесіп түрлі іс-шаралар өткізетін болады. Елді мекендерде кездесулер өтеді, онда зорлық-зомбылықтан зардап шеккендерге қалай әрекет ету керектігі туралы айтылады, сондай-ақ оқу орындары мен еңбек ұжымдарында профилактикалық іс-шаралар өтеді. Тұрмысы нашар отбасыларға және тұрмыстық зорлық-зомбылықтан зардап шеккендерге көмектесетін мобильді топтар жұмыс жасайтын болады. Сонымен қатар, агрессорларға, соның ішінде әкімшілік қамауға алынған немесе үй қамауындағы адамдар арасында профилактикалық шаралар ұйымдастырылады.
Акцияға жергілікті атқарушы, денсаулық сақтау, білім беру, әлеуметтік қорғау және үкіметтік емес ұйымдардың, БАҚ өкілдері қатысады. Іс-шаралардың негізгі мақсаты — қоғамды қорғау және отбасылық құндылықтарды сақтау.
🔊Естеріңізге сала кетейік, тұрмыстық зорлық-зомбылық куәгерлері мен құрбандары «102», «111» және «150» телефондары бойынша тәулік бойы көмек сұрай алады.
