«Нөмірдің мерзімі аяқталады»: алаяқтар өздерін байланыс операторының қызметкерлері ретінде таныстыруда
📱Телефон алаяқтары өздерін ұялы байланыс операторларының қызметкерлері ретінде көрсете бастады.
Алаяқтар өздерін компания қызметкерлері ретінде көрсете отырып, ықтимал құрбандарға қоңырау шалады. Олар телефон нөмірінің мерзімі аяқталатынын мәлімдейді және қызмет көрсетуді ұзартуды ұсынады. Адам ұзартуға келіскен кезде, алаяқтар SMS немесе кез-келген қосымша арқылы келген кодты айтуды сұрайды.
Ақтөбеде ерлі-зайыптылар осындай алаяқтардың айла-амалдарына тап болды. Алаяқтар оларға алдымен сим-карта мерзімі аяқталды деп хабарласып, алдау жолымен ерлі-зайыптыларға несие рәсімдеткен.
💳Жәбірленушілердің өздері құпия SMS кодтарын айтып, алаяқтардың айтуымен оларға терминал арқылы 5 млн теңгеден астам ақша жіберген. Бұл ретте, олар өздерінің жинақ ақшасын және жетпеген сомаға ақшалай несие рәсімдеп,телефон алаяқтары көрсеткен нөмірлерге аударған.
⚠️Полиция департаменті ескертеді: Сізге немесе Сіздің жақындарыңызға ұялы байланыс операторының қызметкері ретінде хабарласып, ұялы нөмірдің мерзімі аяқталатынын айтса, сақ болыңыз! Бұл – алаяқтар!
