Құрметті аудан тұрғындары!

Тұмау – адамнан адамға ауа-тамшылы және қарым-қатынас жол арқылы тарайтын жұқпалы вирусты инфекция. Инкубациялық (инфекция жұқтырған мезеттен аурудың симптомдары көрініс беретін) жасырын кезеңі бірнеше сағаттан 7 күнге дейін созылады.
Тұмау еңбекке қабілеттілікті едәуір төмендетіп, асқынуларымен (орталық жүйке, жүрек-қантамыр жүйелерінің зақымдалуы, пневмония және кей жағдайларда өліммен аяқталады) өте қауіпті.
Ырғыз аудандық ауруханасына тұмауға қарсы «ГРИППОЛ плюс» вакцинасы келіп, тұмауға қарсы вакцинациялау науқаны биыл 2024 жылдың 15 қыркүйегін басталып жүргізілуде.
Анықтама: жергілікті бюджеттен ақысыз вакцинациялауға жататын адамдар: медицина қызметкерлері, медицина ұйымдарында диспансерлік есепте тұрған балалар, әлсіз және алты айдан асқан көп ауыратын балалар, балалар үйлері, сәбилер үйлері балалары, қарттар үйі контингенті және мүгедектері, жүктіліктің екінші немесе үшінші триместріндегі жүкті әйелдер, жүрек-тамыр жүйесінің созылмалы аурулары бар адамдар және эпидемиологияық көрсетілімдері бойынша (60 жастан асқан адамдар, мектеп интернат және жалпы білім беру мекемелерінің оқушылары және т.б.).
Вакцина қалай салынады:
Екпе салдырар алдында азамат өзінің учаскелік дәрігерінің тексеруінен өтеді, оның инфекциялық ауру жұқтырғандармен байланыста болған-болмағаны жайлы сұралады. Дене қызуы өлшеніп, ешқандай қарсы көрсеткіштер болмаса, вакцина салынады.
Сонымен қатар учаскелік дәрігер вакцина салатындарға бірқатар кеңес береді. Екпе салған азамат 30 минут медбикенің бақылауында болады.
Тұмауға қарсы екпе жыл сайын салынады. Жұқпалы аурулардың, оның ішінде тұмау ауруының алдын алудың ең тиімді және ғылыми дәлелденген әдісі вакцинация екенін еске сала отырып, Ырғыз аудандық санитариялық-эпидемиологиялық бақылау басқармасы Сізге және сіздің отбасыңыздың мүшелеріне екпе алуды ұсынады!

Ырғыз аудандық
санитариялық-эпидемиологиялық бақылау басқармасының жетекші маманы
Еңсегенова Валя Қалқабайқызы