Кітапханашылар күні атап өтілді

Баға жетпес байлықтың бірі – кітап, оны насихаттаушы – кітапханашы.

24-қазан –Кітапханашылар күніне орай  аудандық «Арай»мәдениет үйінде Ырғыз аудандық орталықтандырылған кітапхана жүйесінің ұйымдастыруымен «Кітапхана-рухани қолдаушы» тақырыбында салтанатты жиын өтті.

Жиын барысында сөз алған аудан әкімінің орынбасары А.Махаев барша кітапхана қызметкерлерін  айтулы мерекелерімен құттықтады.

Ырғыз аудандық  мәдениет, тілдерді дамыту, дене шынықтыру және спорт бөлімі, «Аманат»партиясының Ырғыз аудандық филиалы, аудандық білім бөлімі, Ырғыз аудандық тарихи-өлкетану музейі, «Ырғыз»мектептен тыс аула клубы, «Арай» мәдениет үйі, Жастар ресурстық орталығы ұжымы құттықтау хаттар мен сый-сыяпаттар табыс етті.

Кітапхана директоры кітапханашылар қауымын кәсіби мерекемен құттықтап,  жұмыстарына алғыс білдірді.

Сонымен қатар «Қазақстанның құрметті кітапханашысы» төсбелгісімен аудандық орталықтандырылған кітапхана жүйесінің директоры  Мырзалы Марат Қапанұлы және Қалыбай ауылдық кітапханасының қызметкері Дербесбаева Айгүл  Қуантайқызы марапатталды.

Барлық кітапханашы мамандарды кәсіби мерекелерімен шын жүректен құттықтаймыз!