Дарынды шәкірт – білікті ұстаздан

Бүгінгі  жылдам  дамып ,  өзгеріп отырған қоғам талаптарына сай, лайықты ұрпақ тәрбиелеу — парызымыз. Бүгінде жаңа қоғам мұғаліміне жүктелер жүк еселене түсуде. Ұстаз қауымы алдында жай білім беру ғана емес, сонымен қатар, өркениет көшіне жол бастайтын әрі ұлттық рухта сусындаған білімді, дарынды азаматтар тәрбиелеп шығару міндеті тұр. Бұл жолда мұғалімнің кәсіби шеберлігін дамыту, біліктілігін арттыру сынды мәселелер мектеп алдында тұрған жауапты іс болмақ. Ұстаз қолында адам тағдыры, болашақ ел тағдыры тұр. «Маған жақсы мұғалім бәрінен де қымбат, өйткені мұғалім – мектептің жүрегі», – деп Ыбырай Алтынсарин айтқандай, қазіргі оқу орындары алдындағы міндеттерді шешуде мұғалімнің кәсіптік мәдениеті басты шарт екендігі аян. Осы тұста №1 қазақ жалпы білім беретін орта мектебінің ұстаздар қауымы да сапалы, тиімді, нәтижелі ізденіспен тынымсыз еңбек етуде.

Талантты шәкірттерді ждетелі жетістіктерге жетелеп жүрген ұлағатты ұстаздарымызд республикалық, облыстық, қалалық байқауларда өздерін биік шыңдардан көрсете біледі.

Мектебіміздің бастауыш класс мұғалімі Қонақбаева Артықгүл аудандық «Үздік сынып жетекші» байқауынан 1 орынды иеленіп, облысқа жолдама алған болатын. Нәтижесінде байқаудың облыстық кезеңінен де жүлделі ІІ орынға қол жеткізіп, аудан абыройын асқақтатты. . Сондай –ақ аудандық «Үздік бастауыш сынып мұғалімі — 2024» байқауына бастауыш класс мұғалімі Үмбеталина Гүлсім қатысып, жүлделі 2-орынды жеңіп алды.

Математикалық «Алтын тұғыр» олимипадасында бақ сынағын әріптестеріміз Үмбеталина Гүлсім, Саудағалиева Гүлсана 3 орынды,  Қонақбаева Артықгүл мен Сағынтай Аңсаған   2-орынды иеленсе, арнайы (түзетім) сыныбының мұғалімі Тұрғанбаева Амангүл 1-орынды қанжығасына байлап, байқаудық облыстық кезеңіне жолдама алды.

Білім беру ұйымдары арасында ұйымдастырылған аудандық спорт додасында мектеп командасы жүлделі 3-орыннан көріне білді.

Спортты жанына серік еткен дене шынықтыру пәні мұғалімі Айтуарова Ақниет Қазақстан Республикасы күні қарсаңында ұйымдастырылған V республикалық мұғалімдер спартакиадасының облыстық кезеңінде  «Үстел теннисі» спорт түрінен 2-орын иеленді.

АӘД меңгерушісі Нұршекенов Серік облыстық мұғалімдер спартакиадасында «Асық ату» спорт түрінен 1-орынға қол жеткізді. Облыста өткен спорт додасында жұлдызы жарқыраған қос ұстазымыз Ақтөбе облысы білім басқармасының басшысы Ж.Сұлтанның «Құрмет граммотасымен» марапатталды және Қызылорда қаласында өткен Республикалық мұғалімдер спартакиадасына жолдама алды. Нәтижесінде Ақниет Айтуарова Қазақстан мұғалімдерінің республикалық спартакиадасының жүлдегері атанып, мектеп мерейін аспандатты.

Тәуелсіз ел тірегі білімді ұрпақ десек, жаңа дәуірдің негізгі мәселесінің бірі – білім беру, ғылымды дамыту екендігіне ешкімнің таласы жоқ.

«Халықты халықпен, адамды адаммен теңестіретін — білім» деп М. Әуезов атап көрсеткеніндей, егемен елдің келешегі кемел білім мен ұлағатты тәрбиеге байланысты.

Баланың бойындағы табиғат берген ерекше қабілетті, дарындылықты тани біліп, оның әрі қарай дамуына бағыт-бағдар беруді өз парызы санаған ұстаздар сан алуан білім алушылардың жеңіс тұғырынан көрінуіне жол аша білді.

Аудандық «Махамбет оқулары» байқауының ғылыми жоба бағыты бойынша  10-класс білім алушысы Ардаққызы Ақниет 1-орынды иеленіп, байқаудың облыстық кезеңіне жолдама алды. Жетекшісі: Жоаева Әсемгүл. Аталған байқаудың ақындық бағыты бойынша 11-класс оқушысы Нұрболатқызы Ақтілеш 2-орынды иеленді. Жеткшісі: Сламғалиева Гүлмира.

Аудандық «Ақберен» байқауының көркем сөз бағыты бойынша қатысқан 8-класс білім алушысы Ыбрайым Мұратқан 2-орынды жеңіп алды. Жетекшісі: Сламғалиева Гүлмира.

Байқаудың суретшілер бағыты бойынша 9-класс білім алушысы Қайратқызы Жұпар 3-орынға табан тіреді. Жетекшісі: Тәжмағамбетова Дәмежан.

«Қазақстан Республикасының 100 үздік оқушысы» атты байқайқаудың  эссе жанры бойынша жұмысын ұсынған 2-класс білім алушысы Абай Әзиза аталмыш байқаудың аудандық, облыстық кезеңдерінен жүлделі 1-орынды жеңіп алды.  «Қазақстан Республикасының 100 үздік оқушысы» қатарына енген Абай Әзиза 12 желтоқсан күні Астана қаласында өтетін байқау жеңімпаздарын марапаттау салтанатына шақырылды. Жетекшісі: Жаңбергенова Жанат.

Аталған байқауда бақ сынаған 9-класс білім алушысы Андағұл Айфара жүлделі     2-орынға ие болды. Жетекшісі: Ерназарова Әсемгүл.

Аудандық «Кішкентай білгірлер» сайысына қатысқан мектебіміздің 4-класс білім алушыларынан құралған «Жігер» командасы жүлделі 1-орынды жеңіп алды. Жетекшісі: Ағыбаева Жадыра.

Аудандық «Менің шағын Отанымның тарихы» байқауының презентация бағыты бойынша 9-класс Нағашыбайқызы Сабина 2-орынды иеленді. Пән мұғалімі: Әбдірахманова Гүлмира. Осы байқаудың эссе жанры бойынша жазба жұмысын орындаған 9-класс оқушысы Нұртай Нұржанат 3-орынды иеленді. Пән мұғалімі: Мамбетов Айқын.

11-класс білім алушысы Амантай Мадияр облыстық ат үстіндегі аударыспақ жарысынан чемпион атанып, республикаға жолдама алғанын үлкен мақтанышпен айта аламыз. Пән мұғалімі: Айтуарова Ақниет.

10-класс білім алушысы Жасұланқызы Айсұлу Жалпы білім беретін пәндер бойынша республикалық зерттеу жобалар конкурсының облыстық кезеңінде биология пәні бойынша ғылыми жоба қорғап, 3-орынға қол жеткізді. Жетекшісі: Ерғуатова Шолпан.

Ауыл балаларын қолдау мақсатында ұйымдастырылған Республикалық  ауыл олимпиадасының аудандық кезеңі жеңімпазы 11-класс білім алушысы  Жеңіс Еркеназ  аталмыш білім додасында химия пәні бойынша жүлделі 3-орынға ие болды. Пән мұғалімі: Абдулкаримова Айнұр.

Ауыл олимпиадсына биология пәнінен қатысқан 10-класс білім алушысы  Қуаныш Бейбарыс олимпиаданың облыстық кезеңінен де оза шауып, жүлделі 1-орынды иемденді. Пән мұғалімі: Ерғуатова Шолпан. Астана қаласында өтетін Ауыл олимпиадасының республикалық  кезеңіне барып қатысуға қызу дайындық үтінде жүрген талантты оқушымыз Бейбарысқа  сенім арта отырып, ұжым атынан сәттілік тілейміз.

Ұлы данышпан Әл — Фараби: «Ұстаздар — құдды жұрт айтатын, тамшысымен тас тесетін су сияқты» — деген. Осы сөзден-ақ ұстаздық жолдың, ұстаздың міндеттің жүгі ауыр екені айдан анық. Ендеше «ел келешегі — ұстаз қолында», — деген лепті тұжырымды баса айта отырып, өнімді шығармашылықты өрістету жолында әріптестерімнің еңбегіне толағай табыстар тілеймін! Дарынды шәкірттеріміз ұстаз абыройын асқақтатып, мектебіміздің мерейі биіктей берсін!

                                                                             Әсемгүл Жолаева

№1 қазақ жалпы білім беретін орта мектебінің

қазақ тілі мен әдебиеті пәні  мұғалімі