Аудандық мәслихаттың кезекті сессиясы өтті

Өткен аптада аудан әкімдігінің мәжіліс залында аудандық мәслихаттың кезекті ХХІІІ сессиясы шақырылды. Сессияға аудандық мәслихат төрағасы М.Тұрымов төрағалық етті.

Сессияның күн тәртібінде төмендегідей мәселелер қаралды:
1. Аудан әкімінің өзіне жүктелген функциялары мен міндеттерін орындаудағы атқарған жұмысы туралы.
2. Аудандық мәслихаттың «Қаржы, бюджет, кәсіпкерлікті дамыту және ауыл шаруашылығы» жөніндегі тұрақты комиссиясының өзіне жүктелген функциялары мен өкілеттіктердің орындалуы туралы есебі.
3. Ырғыз аудандық мәслихатының 2022 жылғы 30 желтоқсандағы №206 «Ырғыз аудандық мәслихатының аппараты» мемлекеттік мекемесінің Ережесін бекіту туралы» шешіміне өзгеріс енгізу туралы .
4. Аудандық мәслихаттың кезекті XXIV сессиясының күн тәртібін бекіту туралы.

Күн тәртібіндегі бірінші мәселе бойынша аудан әкімі Н.Қызбергенов хабарлама жасады. Ауданның 2023 жылдың екінші жартыжылдығы мен 2024 жылдың бірінші жартыжылдығында әлеуметтік-экономикалық дамуында өнеркәсіп өнімдері мен ауыл шаруашылығы өнімдерінде өсім бар. Сонымен қатар, негізгі капиталға инвестиция тарту көлемі 11,2 млрд теңгеге ұлғайған.
Екінші мәселе бойынша атқарылған жұмыс туралы аудандық мәслихаттың «Қаржы, бюджет, кәсіпкерлікті дамыту және ауыл шаруашылығы» жөніндегі тұрақты комиссиясының төрағасы Н.Таңқаев баяндамасында есепті кезеңде аудан бюджетіне және төртінші деңгейдегі бюджеттерге, яғни ауылдық округтер бюджеттеріне өзгерістер, нақтылаулар енгізу бойынша негізінен мәселелер қаралған 4 отырыс өткізілгенін атап өтті. Жобаларды талқылау қорытындысы бойынша тұрақты комиссиялар оларды бекіту үшін аудандық мәслихат сессиясына жібереді.
Депутаттар тұрақты негізде республикалық, облыстық немесе аудандық бюджеттерге тапсырыс беруші болып табылатынына қарамастан ауданда объектілер құрылысының барысына бақылау жүргізіп отырады. Тұрақты комиссиялардың сессиялары мен отырыстарының жұмысына қатысумен қатар, тұрақты комиссия мүшелері аудан әкімдігі жанындағы Үйлестіру кеңестерінің, аудандық және ведомствоаралық комиссиялардың, ауданның әлеуметтік-экономикалық өміріне тікелей қатысады.
Бұдан әрі күн тәртібіндегі үшінші және төртінші мәселелер бойынша аудандық мәслихат аппаратының бөлім басшысы С.Дербісалин Ырғыз аудандық мәслихатының 2022 жылғы 30 желтоқсандағы №206 «Ырғыз аудандық мәслихатының аппараты» мемлекеттік мекемесінің Ережесін бекіту туралы» шешіміне өзгеріс енгізу туралы және аудандық мәслихаттың кезекті XXIV сессиясының күн тәртібін бекіту туралы депутаттар назарына ұсынды.
Күн тәртібінде қаралған мәселелерге тиісті шешімдер қабылданды. Сессия алдында тұрақты комиссиялардың бірлескен отырысы өткізілді.
Сессияны қорытындылаған аудан әкімі Н.Қызбергенов атқарылған жұмыстарды жүргізуде үлкен жауапкершіліктің қажеттігін, әр саланың басшылары өздеріне тапсырылған істі зор жауапкершілікпен атқарған жағдайда жұмыстың алға басатындығын айтып, бірлесе жұмыс жүргізіп кеде жатқан халық қалаулыларына ризашылығын жеткізді.