ӘЛЕУМЕТТІК ТӨЛЕМДЕРДЕГІ ОҢ ӨЗГЕРІСТЕР

      Жыл басында әлеуметтік төлемдерде қандай өзгерістер бар? Мөлшерлері қаншаға өсті? Тиесілі азаматтар қандай мемлекеттік жәрдемақыларды ала алады?
Осындай басқа да сұрақтармен «Азаматтарға арналған үкімет» МК Ырғыз аудандық бөлімінің бас маманы Света Бітімбаеваға хабарласқанымызда төмендегідей ресми жауаптар алдық…
«2025-2027 жылдарға арналған республикалық бюджет туралы» Қазақстан Республикасының Заңына сәйкес 2025 жылғы 1 қаңтардан бастап:
Жасы және еңбек сіңірген жылдары бойынша зейнетақы төлемдері — 8,5 пайызға,мемлекеттік базалық зейнетақы төлемі — 6,5% өсті.
Жасы және еңбек сіңірген жылдары бойынша зейнетақының ең төменгі мөлшері – 62771 теңге,ең жоғары мөлшері — 162195 теңге,
Мемлекеттік базалық зейнетақының ең төменгі мөлшері – 32360 теңге, ең жоғары мөлшері 50851 теңге болып белгіленді.
Базалық және бірлескен төлемдерді ескере отырып ,зейнетақының жалпы мөлшері : ең төменгі мөлшері-95131 теңге, ең жоғары мөлшері-213046теңге.
Сонымен бірге төмендегі әлеуметтік жәрдемақылар мен әлеуметтік төлемдердің мөлшері арттырылды:
бала тууына байланысты бiржолғы төленетін мемлекеттік жәрдемақы 1,2,3 ші балаға 149 416 тг, 4 және одан жоғары балаға 247 716 тг
ай сайынғы бала бір жарым жасқа толғанға дейін оның күтіміне төленетін мемлекеттік жәрдемақы:1ші балаға-226 48тг, 2ші балаға -26 777тг, 3ші балаға -30 867тг, 4ші балаға 34 995тг
бірге тұратын төрт және одан көп кәмелетке толмаған баласы, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар көпбалалы отбасыларға берілетін ай сайынғы жәрдемақы:4 балаға 63030тг,5 балаға-78798тг,6 балаға 94564тг,7 балаға-110334 тг,8 және одан да көп балалары бар отбасыға-әр балаға 4 айлық есептік көрсеткіш.
«Алтын алқа», «Батыр ана» және I дәрежелі «Ана даңқы» ордендерімен марапатталған аналарға берілетін жәрдемақы-29 097тг, «Күміс алқа» орденімен марапатталған аналарға-25 165тг
Мүгедектігі бар баланы тәрбиелеп отырған ата-аналарға, бала кезінен 1-ші топтағы мүгедектің күтімін жүзеге асыратын отбасыларға жәрдемақы-74 428тг
Мүгедектігі бар азаматтардың және асыраушысынан айрылуына байланысты жәрдемақы алушылардың жәрдемақысы ең төменгі күкөріс деңгейіне байланысты өсірілді.

«Ырғыз-ақпарат»