Өңір тазалығы өз қолымызда

Өңірімізде жылдағы дәстүр бойынша көпшілікті қоршаған ортаның тазалығына үндейтін – сенбілік жұмыстары басталды. Осынау мерзімдік тазалық жұмысының нәтижесін әр сенбі сайын ауылымыздың тазалығына үлестерін қосып жүрген мекеме, ұжым қызметкерлерінің жүйелі жұмыстарынан аңғаруға болады.

Сенбілік – бұл өзіміз тұратын ортаның әсем табиғаты үшін, айналаның тазалығы үшін жасалатын көпшілік шара. Сенбілікке қатысып, айналаның тазалығына өз үлесін қосқан адам, кейін қоршаған ортаның әсем қалпын сақтап тұрғанын қалайтыны, сол үшін қолынан келгенінің барлығын жасайтыны анық.

Біз бәрімізде тұрған жеріміздің таза, жайлы және әдемі болғанын қалаймыз. Сондықтан, тазалық пен тәртіпті сақтау, табиғат пен қоршаған ортаны қорғау тұрғындардың күнделікті әдетіне айналуы тиіс.

«Таза Қазақстан» республикалық акциясы еліміздің
барлық аймағында жалғасын тауып, жалпыхалықтық
эко-челленджге айналды. «Таза Қазақстан» сенен
басталады!