Елімізде 2023 жылдан бастап «Ауыл аманаты» жобасы іске қосылды.
Уәли Асқар Зейнешұлы Ырғыз ауданы әкімінің орынбасары.
Бүгінде аталған жоба елімізде сәтті жүзеге асырылып, халықтың ауылда еңбек етуіне, жұмыссыздар санының азаюына, сонымен қатар тұрғындардың табысының артуына оң әсерін тигізуде.
Қазіргі уақытта аудан көлемінде ауыл тұрғындарының әл-ауқатын жақсарту және әлеуметтік мәселелерін шешу мақсатында «Ауыл аманаты» жобасы іске асырылуда. «Ауыл аманаты» жобасының негізгі мақсаты ауыл шаруашылығы тауарын өндірушілерін жан-жақты қолдау, ауыл тұрғындарын агро бизнеске барынша тарту, азық-түлік қауіпсіздігі және азаматтардың өмір сүру сапасын жақсартуға байланысты. «Ауыл» аманаты пилоттық жобасына 7 ауылдық округтер енгізілді. 2023 жылғы көрсеткіш бойынша 65 жоба құны 269782 мың теңгеге несие алынды. Қәзіргі күнге 7 округ бойынша 2645 аула саны, тұрғындар саны 13974 адам, оның ішінде 7900 еңбекке жарамдылар, 383 жұмыссыз, 2037 өзін-өзі қамтығандар, 26 атаулы әлеуметтік көмек алатындар (АСП).
2024 жылы несие алуға ӘКК-ге құжат тапсырғандар саны барлығы 81 адам, оның 73 мақұлданып, мақұлданған жобаларға 479 688 мың тенге несие төленді.
Жоба ауыл тұрғындарына өз кәсібін ашуға немесе қолданыстағы бизнесті кеңейтуге көмектесуге арналған, бұл ауылды жерлердегі экономикалық белсенділікті арттырып, ауылдық аймақтардың дамуына елеулі үлес қосады деп, білемін.
