Ел дамуына атсалысу – әрбір азаматтың парызы

Қызылордада өткен Ұлттық құрылтайда көтерілген мәселелер мен үшін, аналық көзқарастан, ерекше маңызды. Елдің бірлігі мен келісімі, тәуелсіздіктің қадірі, әр отбасының құндылығы туралы айтылған ойлар жүрегіме жақын. Мемлекеттік рәміздерімізге деген құрмет пен патриотизмді нығайту, азаматтарға өз таңдауларын еркін жасау құқығын сақтау – болашақ ұрпаққа үлгі. Сондай-ақ, неке институтын ер мен әйелдің ерікті одағы ретінде күшейту, зиянды сенімдер мен қысымға жол бермеу – қоғамымыздың тұрақтылығы мен әділдігі үшін өте маңызды.

Бүгінгі кездесуде талқыланған идеялар бізді, аналарды, балаларымызды жауапкершілікпен, патриоттық сезіммен тәрбиелеуге шабыттандырады. Елдің дамуына атсалысу – әрбір азаматтың парызы, ал біз, аналар, осы іске өз үлесімізді қосуға әрдайым дайынбыз. Осы кездесулер жастарға ұлттық сана мен мәдени құндылықтарды бағалауға үлгі болып, әр отбасы мен әр ананың бойында қоғамға деген сүйіспеншілік пен жауапкершілік сезімін оятады.

Ұрпаққа адалдық, ізгілік пен әділдікті үйрету арқылы біз елдің берекесі мен тұрақтылығын қамтамасыз етеміз. Сондықтан әрбір ананың бұл бағыттағы еңбегі мен үлесі ерекше бағаланады.

Ақтөбе облысы ҚХА   жанындағы

 Аналар кеңесінің мүшесі

Р.Омарова