Бос жұмыс орындары жәрмеңкесі өтті

    Ағымдағы жылдың 5 қазаны күні“Арай”мәдениет үйінде аудандық мансап орталығының ұйымдастыруымен бос жұмыс орындары жәрмеңкесі мен “Еңбексіз табыс жоқ” атты мемлекеттік грант иегерлері мен “Ауыл аманаты” жобасы аясында шағын несие алушы кәсіпкерлердің жәрмеңкесі болып өтті. Жиында аудан әкіміН.Қ.Қызбергенов еңбек адамдарының арқасында еліміздің өркендеп,дамып келе жатқандығын,табысқа жетудің кілті,барлық жетістікке жетудің бастауы адал еңбекте екендігіне тоқталды.

Сондай-ақ ауданымызда әр салада адал еңбектерімен тер төгіп жүрген еңбек адамдарына алғыс хаттар мен қысқа мерзімді кәсіптік оқуларды аяқтаған азаматтарға куәліктер табыстады.

Жұмыссыз жастар арасында жұмысшы мамандықтарды насихаттау мақсатында сөз алған жас шаштараз Мұхтар Мешітбай мен “Ауыл аманатымен” несие алушы Алмагүл Үсенова  еңбексіз табыстың жоқ екендігін,жалқаулық пен масылдықтан арылып,жұмыссыз жүрген азаматтарға кәсіп жасау керектігін тілге тиек етіп, өскелең ұрпақты еңбек етуге шақырды. Бос жұмыс орындарының жәрмеңкесі нәтижесінде 9 адам ауданның мекеме-кәсіпорындарына жұмысқа орналасты.

Алдағы уақытта да игі іс шара жалғасын табатын болады.

Соныменен қатар аудан әкімі жәрмеңкеге қатысқан әр кәсіпкердің  жасаған бұйымдары мен  өнімдеріне жеке-жеке тоқталып, өз ризашылығын білдіріп, кәсіптерін әрі қарай өркендетуге, дамытуға жол сілтеп ақыл-кеңесін айтты